Nilbil ...

तुझ्यामुळे ... चित्र हे अपूर्ण होते कुंचलेही शुष्क होते जीवनाला रंग आला  संगती तुझ्यामुळे ... दिवस रात्र खिन्न होते ऋतुही उदास होते, हर्षोल्हास झाला  हर-कही तुझ्यामुळे कृष्णमेघ दाटलेले, आसमंत काळोखलेले, चांदण्यांची रात्र आली, या धरी तुझ्यामुळे ... राऊळी मी शोधिले पण, देव दगडात नव्हता, ईश्वरी दृष्टांत झाला, अंतरी तुझ्यामुळे 🙏

 तू ... आस तू, आभास तू, मोगऱ्याचा सुवास तू, सर्वदा व्यापून आहे, अंतरीचा श्वास तू ... सुप्त तू, कधी व्यक्त तू, कधी मृदू, कधी सक्त तू, जीवना आकार देई,  गोरी कुंभार तू ... रणरणत्या उन्हातही, शीतल वटवृक्ष तू, चातका या तृप्त करीशी, पावसाचा थेंब तू ... सफल तू अन सुफल तू, चिखलातही कमल तू, आयुष्यातील हर प्रश्नांची, होतसे उकल तू ... भव्य आकाश तू, संधीप्रकाश तू, आजन्म साथ देईन, दृढ असा विश्वास तू ... जीवनाचा अर्थ तू, फक्त तू, बिनशर्त तू, अंतरीच्या गाभाऱ्यातील, दिव्य ते निरांजन तू  🙏